في نفس اليوم اللي رحت فيه البيت المسكون بليل.. اخويا الصغير خبط عليا بليل وصحاني من النوم.. وقالي انا زهقان عايز اقعد معاكي شوية.. قلت له بس انا تعبانه لقيت عينه احمرت وبقت شكلها وحش اوي… قلت اكيد متهيالي.. وقلت له ماشي انت عايز ايه.. قعدنا فعلا مع بعض نضحك ونهزر ولحد ما لقيت باب الاوضة بيتفتح واخويا داخل عليا! انصدمت لما شوفته وفي نفس الوقت اللي دخل لي وقال انه اخويا قاعد قدامي! من اللي شوفته اغم عليا! ولما فوقت لقيت بابا وماما واخويا ف الأوضة.. ولما حيكت اخويا قالي انه كان في الحمام وسمعني بكلم حد ف الاوضة وبضحك واول ما دخل عليا صرخت ووقعت ف الارض.. ولما قلت انه جالي حلف انه ماجاش! امال اللي كان معايا مين؟! اكيد هو الشيطان..
حاولت اعدي الموقف وقلت لهم اني كنت بحلم والموقف ده عدى.. لكن كنت متاكدة ان الموضوع مش هيسكت لحد هنا وقد كان اول ما خرجوا لقيت على المرايا اللي في اوضتي كائن شكله وحش اوي.. كان طويل اوي ولونه بلون النار.. كأنه من النار.. باصص لي وبيتوعدني اول ما شوفته ماحستش بنفسي غير وانا بفقد الوعي.. ولما فتحت عيني لقيت نفسي في مكان غريب مش عارفه اوصفه وكان واقف شاب شكله حلو اوي.. ماسك ايدي ومبتسم لي.. شد ايدي واتحركت معاه لحد ما وقف عند بيت كبير شكله جميل اوي وحوليه زرع بص للبيت وبص لي وقال:
– عارفه البيت ده هيكون ليكي لو وافقتي تعيشي معايا
وبعدها ظهر بيت تاني بس كان شكله وحش اوي.. بيت مبني من الشوك وحواليه نار وكان في كائنات شكلها مرعب اوي.. بص الشاب للبيت وبعدها بص لي وقال:
– وعارفه البيت ده هيكون ليكي بس لو اصريتي انك ماتبقبش ليا
وبعدها البيت اختفى وفتحت عيني لقيت نفسي في اوضتي وعلى سريري.. ومن وقتها بقيت اشوفه.. اشوفه باشكال كتير.. مرة بشكل الشاب الوسيم.. ومرة بشكل قزم مليان شعر كتير وقرون في وسط راسه.. وكمان كنت بتعرض لابشع انواع العذاب.. كنت بتضرب في الحلم ولما كنت اصحى اشوف اثار الضرب على جسمي.. وكان كمان الشاب ده يجيلي ويعمل معايا علاقة غصب عني!..
بجد تعب أوي ومابقتش قادرة استحمل! ولو حيكت لاهلي محدش هيصدقني..
واكتر موقف مرعب شوفته لما صحيت بليل لقيت جسم انسان واقف ف نص الاوضة وراسه ماسكها على ايده وعمال يترقص بشكل مرعب اوي!..
ولما تعبت اوي وحاولت انتحر عرفت اهلي كل اللي بيحصلي.. و هما جابولي شيوخ كتير لكن للاسف محدش قدر يعالجني.. كلهم طلعوا نصابين بياخدوا فلوس على الفاضي.. بس انا قررت اقاوم وقربت من ربنا.. وقرات سورة البقرة.. هو اه كنت بقراها بصعوبة بس قراتها فب يوم تلات مرات.. وحلمت ان سبب اللي انا فيه مش دخولي للبيت المسكون السبب كان مرات عمي رشتلي سحر عشان كانت حاقدة عليا مش عارفه ليه مع اني كنت بحبها وبحب بنتها اوي.. بس هنقول ايه على النفوس المريضة..
انا بقيت كويسة اه لكن الشاب اللي بيجيلي ف الاحلام انه عايزني لسه بشوفه لكن غير كده فانا عايشه..
ادعولي ان ربنا يفك كربي…
#محمد_مهني
البيت_المسكون_والعاشق
